【自助餐放蛇起底组】湾仔区食韩烧 $138串烧放题

时间：2020-06-13 17:35:33 作者： 793浏览

天气Keep住冻，我就无兴趣上大帽山睇雪啦，近近地去湾仔围住个火食韩烧咪几好！今次我哋放蛇组嚟到呢间韩国餐厅，试食串烧烤肉放题，$138任食90分钟，质素如何？立即去片！

前菜生菜另加钱　猪皮鸡皮自行调味

搵好野食当然喺我哋嘅职责～望望张落单纸先，一共有36款嘢食，牛、猪、鸡、海鲜每样都有啲，仲有芝士乜乜乜，睇落好丰富喎！今次我哋仲计下时，由落单到上枱用咗两分半钟，执落单嘅齐款同数量，準确！嘢食上枱之后，就开始计时啦！抽油烟桶上面有个计时器，START！几好喎～可以知道自己食咗几耐，唔使估估下。

嚟到韩国餐厅，想食泡菜？问下先……原来前菜要另外加$20，前菜有泡菜、花生、青瓜、芽菜同莲藕，可以Refill。烧到半路，咦，点解无生菜嘅…噢！原来都喺要加钱，$8一份，喊出嚟，无生菜点食喎！

Total 36款嘢食，猪、牛、鸡海鲜都有啲，都几多选择。

用咗两分半钟就上菜，快手~而且执齐款同量。

喺抽酒堙桶到有计时器，一上菜就开始计时。

食物放在牛油纸上烧，虽然话喺串烧，但其实得鸡皮一款有串起咋，其他都喺细细件、一粒粒咁。

生菜……每碟要加$8……隔离枱叫咗生菜啊/_\好羡慕……

无生菜唔紧要，食真啲个味睇下有无伏位啦！虽则话就话喺串烧放题，但其实点咗咁多样，鸡皮喺唯一有串起嘅烧物，其他都係细细粒。鸡皮喺烧嗰阵已经逼咗好多油出嚟，烧到好香口，不过食落无咩味，要点埋甜辣酱、麻酱或盐先够惹味！猪皮呢，食落胶质感重，而且好烟韧，不过提提你！黄豆粉喺要自已问店员拎！黄豆粉喺要自已问店员拎！黄豆粉喺要自已问店员拎！好紧要！仲有必食黄金麻吉烧！入面包着年糕，烧完后外皮好香脆，咬着软绵绵的年糕，好好食啊！

鸡皮好香口，不过无咩味，要蘸酱食。

猪皮食落胶质感重，不错！

食猪皮点会唔蘸黄豆粉呢？记住问店员拎啦！

黄金麻吉烧外脆，入面年糕软绵绵，正！

奇怪酱汁　饮品另加钱　

牛、猪、鸡肉逐款同你试！首先同你介绍三大伏位，韩式咖喱鸡肉非常古惑，嗰咖喱汁喺酸嫁！好似过咗期咁，难食到爆。五花腩好细件，肉质唔够滑；黑椒牛肉要改名做黑椒牛肉粒！碎湿湿咁边够口感喎！而且黑椒味被鹹味完全盖过，咪试！

蜜汁猪面青几大件，而且肉质好嫩，不过唔知係咪厨师唔记得调味，都食唔到蜜汁味嘅。焙煎芝麻鸡就好好多啦！鸡肉有好多芝麻粒粒包围着，食落好有口感，而且甜甜地，叫多几件啦！

食到一半有啲口乾呢？Menu上面好多嘢，又有真露、汽水，不过今餐唔包饮品嫁！要饮就自己加钱啦！

韩式咖喱鸡肉阵味好酸好难食，五花腩已被人剪细嚿咗，肉质唔够滑。

黑椒牛肉细细粒，而且超鹹。

蜜汁猪面青好滑，但无蜜汁味。

焙煎芝麻鸡食落甜甜地，几好食喎！

食到一半想饮嘢？望下menu先，不过sorry喎，唔包嘢饮，要加钱叫。

水就大把，成壶俾你慢慢饮。

酸味芝士挞ｘ淡味芝士杯　

虽则我唔係烧鸡翼嘅高手，仲一个不留神烧到燶咗，但其实只鸡翼食落肉质嫩滑带甜味，好食~可以Encore!另外你最期待的芝士、芝士、芝士烧物！满心欢喜点咗个炙烧芝士年糕，白雪雪，涨卜卜，好似包着好多芝士咁，慢慢两边烧下佢，点知店员教我哋要拎只匙一嘢压下去，要等入面啲芝士都可以受热。um……即刻丑咗一万倍，成旧饼咁边似年糕喎。食落味道仲奇怪，似食紧芝士挞，不过喺A货嗰只，只酸味劲奇怪，同埋食一个都好济啰。

第二款芝士粟米杯连锡纸兜一齐上，一上枱店员已经直接帮你放上炉，望住啲芝士融，慢慢同粟米交缠，仲拉到丝，好似好好食咁，不过食完又有啲失望啰，芝士味唔浓，淡茂茂咁，单食完全接受唔到，蘸肉食就好啲，芝士迷要失望了！